Управление образования г. Якутска

" Аман өс" туһунан иһитиннэрии 27.10.2014 10:59

      Бу дьыл алтынньы 20 күнүгэр Саха гимназиятыгар  тыл этиитигэр куораттааҕы "Аман өс" күрэхтэһии  буолан ааста. Барыта 13 оскуолаттан 50 -ча оҕо кытынна. Күрэхтэһии 8-11 кылаас оҕолоругар анаммыта. Бу тэрээһиҥҥэ Саха гимназиятын директора Софронеева В.В., мустубут оҕолору, учууталлары эҕэрдэлээн, тыл эппитэ.Дьүллүүр сүбэҕэ Олоҥхо театрын  артыыһа Уваровская Л.С.,  ХИФУ преподавателэ Васильев И.Ю., куораттааҕы үөрэх управлениетын иһинэн төрөппүт комитетын  чилиэнэ Колесова Т.В., Хатылы орто оскуолатын саха тылын  уонна литературатын учуутала Макарова Нь. В. үлэлээтилэр    Сахалыы  саймаархай саҥалаах бастыҥ тыл этээччи  аатын үс оҕо ылла: Андреева  Лена, 8 кылаас үөрэнээччитэ, Саха гимназията, учуутал Саввинова А.); Кириллов Артем,11кылаас үөрэнээччитэ, Дьокуускай куоратттааҕы национальнай гимназия, учуутал Анисимова Г.С., Свинобоева Катерина, 11 кылаас үөрэнээччитэ, 31 N-дээх  оскуола, учуутал Молукова Л.Ф.

   Дьоҥҥо бэйэлэрин санааларын ылыннарыылаахтык тиэрдэр тыл этээччилэринэн Семенов Аскалон, 9 кылаас үөрэнээччитэ, Айыы кыһата, учуутал Попова А.Л; Мярин Арыйаан, 9 кылаас үөрэнээччитэ, Саха политехническэй  лицей, учуутал Осипова М.В; Слепцова Ализана , 9 кылаас үөрэнээччитэ, Саха гимназията, учуутал Саввинова А.Ф;  Васильев Дархан, 10 кылаас үөрэнээччитэ, 2N-дээх национальнай политехническай  оскуола, учуутал Ильина А.А.   буоллулар.

  Ис киирбэхтик туттан-хаптан туран,буойун суруйааччылар тустарынан тохтоло суох, кудуччу кэпсиир оҕо ахсаана элбэҕин дьүүллүүр сүбэ бэлиэтээн эттэ. Бу оҕолорго  Дьокуускай куорат үөрэҕин управлениетын дипломнарын, сыаналаах бэлэхтэрин туттардылар.Көхтөөх кыттааччыларга уонна оҕолору бэлэмнээбит учууталларгв сертификаттары биэрдилэр.

         Саха гимназиятын директорыгар Софронеева В.В.уонна тэрээһиҥҥэ көмөлөспүт саха тылын. литературатын учууталларыгар  (Саввинова А.Ф., Антонова А.А., Ноев С.О., Анисимова Г.С.)  барҕа махталбытын  тиэрдэбит.

Саха тылын учууталларын

 метод холбоhуга